Kersfees
Mini Sessies
Kersfees Mini Sessies – R450
Kom maak hierdie Kersfees spesiale herinneringe saam met jou gesin! Sessies vind plaas vanaf 8 November tot 8 Desember, met drie verskillende Kersfees-opstellings deur die maand.
• 20 minute sessie
• Minimum van 25 geredigeerde foto’s
• Maksimum 6 persone per sessie
wat is n mini Sessie
WAT IS ’N KERSFEES MINI SESSIE? 🎄
As jy nie seker is wat ’n mini sessie is nie, dis basies net ’n korter fotosessie waar ons ’n paar mooi Kersfees-herinneringe saam vasvang.
Jy kan kom as:
* Die hele gesin
* Mamma en pappa met die kinders
* Net die kinders
* Boeties en sussies saam
* Saam met Ouma en Oupa
Elke week het ’n ander Kersfees-opstelling, so kies jou gunsteling en bespreek jou sessie betyds!
Hierdie jaar se Kersfeesfoto’s is perfek vir geskenke, Kerskaartjies of sommer net om die mooi oomblikke van julle gesin te bewaar. 🤍
Hier is n idee en inspirasie van hoe die agtergrond vir die dag gaan lyk:
DIE VOORDELE VAN ’N MINI SESSIE
Bekostigbaar
Mini sessies is ’n meer bekostigbare opsie as ’n vol fotosessie, maar jy kry steeds daai mooi, betekenisvolle foto’s. Perfek as jy iets spesiaals wil hê sonder om te veel te spandeer.
Vinniger
Net 15-20 minute, vinnig genoeg vir besige mamma’s en kinders met min geduld. Dis maklik om in te pas in jou dag, en voor jy jou oë uitvee, is ons klaar met ’n klomp mooi oomblikke vasgevang.
8-13 Nov
- Neutrale Kersboom & Wit Sterre
- Datums: 8-13 Nov 2026
- Waar: Tales of Light Studio - Senekal Sentrum, langs Nonnetjie
- 15-20 min
- Koste: R450 per 20 min sessie
- 25+ Digitale Fotos
16-24 Nov
- Kerskranse & Kersboom
- Datums: 16-24 Nov 2026
- Waar: Tales of Light Studio - Senekal Sentrum, langs Nonnetjie
- 15-20 min
- Koste: R450 per 20 min sessie
- 25+ Digitale Fotos
1-8 Des
- Helder Wit & Rooi
- Datums: 1-8 Des 2026
- Waar: Tales of Light Studio - Senekal Sentrum, langs Nonnetjie
- 15-20 min
- Koste: R450 per 20 min sessie
- 25+ Digitale Fotos
Die Tema
Hierdie jaar se Kersfees-mini-sessies het drie verskillende opstellings, elk met sy eie styl.
Week 1: ’n Neutrale Kersboom, mooi toegedraaide geskenke en wit hangende sterre.
Week 2: ’n Muur vol Kerskranse langs ’n neutrale Kersboom.
Week 3: ’n Helderwit, minimalistiese agtergrond met rooi strikke vir ’n eenvoudige, klassieke Kersfees-gevoel.
Elke opstelling is sorgvuldig gestileer om mooi, tydlose foto’s te skep, met die fokus op julle en die spesiale herinneringe wat julle saam maak.
Kies jou gunsteling opstelling en bespreek jou Kersfees-sessie betyds! 🎄
FAQ
IS DIT SLEGS STUDIO SESSIES?
Hierdie mini sessies is slegs vir die studio-opstelling. Later die jaar sal daar ook buitesessies beskikbaar wees.
HOEVEEL FOTOS GAAN EK KRY?
Julle sal ongeveer 25 foto’s per sessie ontvang.
HOE BESPREEK EK MY SESSIE?
Die sessie kan bespreek word deur op die “Bespreek jou sessie”-skakel te kliek, waar jy self jou tyd kan kies. Alternatief kan julle vir my ’n WhatsApp stuur om direk te bespreek
Wanneer sal ons die fotos kry?
Die foto’s sal binne 3-7 dae beskikbaar wees via ’n skakel wat julle per e-pos en WhatsApp ontvang.
Wat om aan te trek?
Kies uitrustings wat mooi by julle gekose Kersfees-opstelling pas. Neutrale kleure soos wit, room, beige en bruin werk altyd mooi, maar vir die rooi-en-wit opstelling kan ’n bietjie rooi ook baie mooi wees!
Dink aan sagte teksture, eenvoudige uitrustings en kleure wat mooi bymekaar pas. Julle hoef nie almal presies dieselfde aan te trek nie, probeer eerder om kleure te kies wat mekaar aanvul.
Vermy verkieslik baie helder kleure, besige patrone en groot logo’s, sodat julle as gesin die fokus van die foto’s bly.
Ons wenk: Hou dit eenvoudig en gemaklik, en trek aan waarin julle mooi én gemaklik voel!
Follow us on Instagram
